Estamos a rematar cos obradoiros do “punto formativo de inclusión sociolaboral para persoas con enfermidade mental”, e fixémolo cun de 12 horas dedicado a informar e concienciar sobre igualdade e inclusión social.

Este obradoiro está en marcha en A Coruña, Lugo, Santiago e Ourense, mentres que en Vigo realizarase a vindeira semana e rematará o 16 de novembro. No taller de igualdade e inclusión social, os participantes poderán sensibilizarse e concienciarse en materia de igualdade de oportunidades para promover unha reflexión que redunde nun cambio de actitudes e valores no ámbito formativo, laboral e social.

Na imaxe, Rocío Megía Ballesteros imparte esta formación aos oito participantes do programa en Lugo. Este programa está cofinanciado pola Consellería de Política Social e o Fondo Social Europeo dentro do Programa Operativo do Fondo Europeo de Desenvolvemento Rexional FEDER ou FSE Galicia 2014-2020.