No marco do Programa Integrado de Emprego de FEAFES 2021/22, un grupo de 10 persoas usuarias participaron o pasado 13 de abril nunha visita ao viveiro de empresas da Confederación de Empresarios de Lugo (Fundación CEL).

Durante a visita, que tivo unha duración de 3 horas, as persoas participantes tiveron a ocasión de conversar con Marian Tallón e Yeray Fraga sobre que é e como funciona a Fundación CEL, ademais de disfrutar dun percorrido polas instalacións e coñecer as experiencias persoais dalgunha das persoas emprendedoras que teñen alí a súa empresa.

Tras o percorrido polas instalacións, houbo tempo para unha pequena reunión de grupo na que se abordaron distintas cuestións relacionadas co emprendemento e a mobilidade laboral. Todas as persoas participantes puideron compartir as súas experiencias, dúbidas e ideas, amosando un gran interese pola temática e polo contido da visita.

O Programa Integrado de Emprego de FEAFES 2021/22, financiado pola Consellería de Emprego e Igualdade a través de fondos finalistas transferidos polo Servizo Público de Emprego Estatal, ten como obxectivo a mellora das posibilidades de inserción laboral das persoas con problemas de saúde mental. Para iso, Saúde Mental FEAFES Galicia traballa anualmente cun total de 100 persoas desempregadas de A Coruña, Santiago, Ourense, Lugo, Vigo e as súas contornas.