O venres 9 de maio, o Director da ETT  Nortempo de Vigo-Porriño, Eduardo Adán Camiña, estivo cos participantes do Plan Integrado de Emprego EM-Prégate de Vigo para explicarlles o funcionamento das empresas de traballo temporal, os perfiles máis demandados, que aspectos hai que ter en conta á hora de presentar unha candidatura, etc. Ademais, Adán Camiña respondeu moi amablemente todas as dúbidas que lles presentaron os participantes, moitas grazas!

O próximo día 22 de Abril, os participantes do Plan Integrado de Vigo faremos unha visita ás instalacións de empresa ACOLAT (Agrupación de Cooperativas Lácteas), antigua CLESA, en Caldas de Reis.

Como parte das distintas actividades que estamos a levar a cabo no noso Club de Emprego, en Santiago dedicamos a terceira sesión do mesmo ás dinámicas de grupo que podemos atopar nos procesos de selección de persoal.

Despois dunha descrición das dinámicas, de ver os distintos tipos que existen, o obxectivo destas e as recomendacións para afrontalas dunha maneira axeitada, realizamos a dinámica de grupo da “Illa Deserta” e comentamos despois unha serie de conclusións.

Plantexamos o suposto naufraxio do grupo e a necesidade de organizarse para resolver os problemas que se aveciñaban para as próximas tres semanas. Entregamos o plano da illa e unha ilustración co material do que dispoñían os náufragos: un baúl e os restos do naufraxio.

A dinámica consistía en planificarse para lograr unha serie de obxectivos indicados: o recoñecemento da Illa, a supervivencia (para o cal necesitabamos alimentos e auga), a organización do traballo, o lugar e a forma de vida, a postura fronte á tribo e a resposta ante posibles inimigos.

Aquí vos vai unha mostra dos fantásticos SUPERVIVENTES!!!

O Club de busca de emprego de FEAFES Galicia ten  o pracer de informarvos de que xa contamos cun blog no que compartir as nosas experiencias! A partir de agora, convertiremos este espazo nun lugar no que intercambiar experiencias, recursos, ideas e boas prácticas para lograr unha maior integración laboral das persoas con enfermidade mental. COMEZAMOS!