Entre as accións levadas a cabo ao amparo do Programa Integrado de Emprego Em-Prégate cofinanciado pola Consellería de Economía, Emprego e Industria, está o achegamento dos demandantes de emprego ao mundo laboral.

Ana, por exemplo, está a realizar prácticas en Balidea, unha empresa do sector das Tecnoloxías da Información que ofrece servizos de consultaría, desenvolvemento de software e externalización tecnolóxica.

A través das prácticas en empresas, os demandantes poden coñecer de primeira man o funcionamento dunha compañía e os requirimentos concretos dun posto de traballo. A empresa, pola súa banda, ten a posibilidade de comprobar as competencias dunha persoa nun posto determinado, podendo valorar despois a posibilidade de contratala.