O pasado 18 de maio, un grupo de usuarios de FEAFES Lugo pertencentes ao Club de Emprego do programa Em-Prégate achegáronse ás instalacións de Mediamarkt para coñecer esta empresa dende dentro.

A visita tivo lugar de 16:30 a 19:00, durante a cal os participantes coñeceron como se realiza o proceso de selección dos empregados e participaron nunha dinámica práctica sobre o procedemento de recursos humanos.

Os representantes de Mediamarkt explicaron tamén como se organiza a empresa e as tarefas que se realizan na mesma, así como as perspectivas de futuro da compañía. Durante esta visita, os participantes fixeron un percorrido polas instalacións descubrindo as funcións de cada departamento.