O pasado 14 de xullo, un grupo de participantes do Programa de Emprego para Persoas con Discapacidade a Causa de Enfermidade Mental de Santiago de Compostela tiveron a oportunidade de coñecer dende dentro as instalacións de Arroupa, unha empresa de recollida, reciclaxe e suministro de roupa.

Para iso visitaron a nave que ten a empresa no Polígono do Tambre, onde os traballadores reciben, clasifican e distribúen a mercancía. Os visitantes puideron ver de primeira man o funcionamento da nave e as dinámicas de traballo, do mesmo xeito que lles informaron sobre a xestión da empresa e os procesos de selección de personal.

A continuación, os participantes do Programa de Emprego visitaron a tenda de Arroupa na Rúa Casas Reais nº6 para ver como se organiza e xestiona o traballo no punto de venda. Grazas a esta visita, os usuarios de FEAFES Galicia puideron coñecer o funcionamento interno dunha empresa, os procesos de produción e venda, a xestión de recursos humanos e os procesos de selección de personal.