Aprendendo sobre emprendemento

Imagen 004 - copia

O pasado 18 de xullo, un grupo de participantes do Programa de Emprego para Persoas con Discapacidade a Causa de Enfermidade Mental, cofinanciado pola Consellería de Economía, Emprego e Industria, estuiveron aprendendo sobre emprendemento nunha charla impartida en Ourense.

Durante o coloquio, os participantes puideron coñecer un pouco máis acerca das axudas e subvencións das que se poden beneficiar se queren montar unha empresa, ademáis de aprender a facer un plan de viabilidade e outras accións de utilidade para o autoemprego.

Para iso, contamos coa presenza de Carlos Pichel, profesional do CISD La Molinera, e de Milagros Pérez, profesional do Centro de Iniciativas Empresariais do Concello de Ourense.

Advertisements

Escoitamos un caso de éxito

O pasado 25 de maio, os participantes do Programa de Emprego para Persoas con Discapacidade a causa de Enfermidade Mental de Lugo puideron escoitar, de primeira man, o caso persoal dun compañeiro que conseguiu un emprego o ano pasado a través do mesmo programa.

Trátase de Miguel Ángel, usuario de FEAFES Lugo, que lles contou a súa experiencia de inserción laboral. Con este encontro, preténdese motivar aos actuais participantes no programa e axudarlles a identificar e valorar as competencias técnicas, sociais e laborais adquiridas ao longo dos últimos meses. Igualmente, a través desta charla tamén se pon en valor o traballo de prospección e intermediación laboral realizado co entorno empresarial.

20170525_101054

Ademais deste coloquio con Miguel Ángel, o día anterior os participantes do Programa de Emprego para Persoas con Discapacidade a causa de Enfermidade Mental de Lugo tamén tiveran a ocasión de escoitar a Andrea Calero Fernández, Directora de Delegación de Adecco. Nesta charla explicouse o funcionamento desta empresa, así como os diferentes procesos selectivos e métodos de selección que se levan a cabo nela.

20170524_164003

Aprendemos a manipular alimentos e alérxenos

IMG_3669

No marco do Programa de Emprego para Persoas con Discapacidade a causa de Enfermidade Mental, realízanse cursos formativos co obxecto de mellorar a empregabilidade dos seus participantes e facilitar o seu acceso ao mercado de traballo.

Neste senso, 8 demandantes de emprego de FEAFES Vigo estiveron a realizar un Curso de Manipulador de Alimentos e Alérxenos de 4 horas de duración, tras o cal lograron a acreditación que certifica os seus coñecementos nesta materia.

O curso tivo lugar o pasado luns 24 de abril, de 16:00 a 20:00, en colaboración con Radio ECCA (Rúa Velázquez Moreno nº9). Todos os participantes realizaron con éxito o exame final e proximamente recibirán os seus diplomas.

Mediamarkt e Kiabi ábrennos as súas portas

O pasado 26 de abril, tres participantes do Programa de Emprego para Persoas con Discapacidade a causa de Enfermidade Mental de Lugo dedicaron a súa xornada a visitar as inatalacións lucenses de Mediamark. Da man de Tatiana Adrio Lage, coñeceron os diferentes postos de traballo e as súas funcións, así como os procesos selectivos que se levan a cabo na empresa e o funcionamento da súa área de recursos humanos.

visita mediamarkt (2)

Pola súa banda, o 3 de maio, foron cinco as persoas que se achegaron ata Kiabi para coñecer esta empresa por dentro. Isabel Ocampo Pena foi a encargada de ensinarlles o seu funcionamento, as distintas funcións que desempeñan os traballadores e como son os procedementos de selección de personal. Grazas a estas visitas, os demandantes de emprego de FEAFES Galicia puideron achegarse un pouquiño máis ao mundo laboral.

IMG-20170503-WA0010

Afrontar con éxito a busca de emprego

Motivación y entrevistas laborales Lanzadeira Santiago 04-17 (2)As accións formativas levadas a cabo no marco do Programa de Emprego para Persoas con Discapacidade a Causa de Enfermidade Mental, cofinanciado pola Consellería de Economía, Emprego e Industria, están dirixidas a mellorar a ocupabilidade e a inserción laboral das persoas traballadoras en situación de desemprego a través da posta en marcha de proxectos integrais.

Parte desta formación céntrase en aumentar e manter a motivación así como en aprender a afrontar entrevistas laborais, para o cal os participantes do programa estiveron a realizar obradoiros específicos a o longo do mes de abril. En Ourense tiveron lugar entre o 28 de marzo e o 25 de abril, mentres que en Santiago realizáronse do 6 ao 11 de abril na EGAP.

DSC_0020

No caso dos participantes de Ourense, estes obradoiros foron completados cunha charla impartida por María Hermo, responsable e fundadora de Galejobs.com. Neste coloquio, que tivo lugar o 24 de abril, presentáronse as claves para afrontar con éxito o proceso de selección dun traballo, vistas dende o punto de vista dunha profesional dos recursos humanos.

 

Aprendemos sobre os dereitos e os deberes dos traballadores

O pasado 23 de marzo, os participantes do Programa de Emprego para Persoas con Discapacidade a Causa de Enfermidade Mental de FEAFES Ourense recibiron a visita dun traballador da CIG que lles introduciu un tema de gran interese: os dereitos e deberes que teñen os traballadores. Cuestións como que é un convenio colectivo ou como se formaliza e extingue un contrato de traballo, foron algunhas das cuestións abordadas durante este encontro, temas de interese para os participantes do Programa de Emprego que están a coñecer, cada vez mellor, como funciona o mundo laboral.

Fotos Charla laboral dereitos e deberes dos traballadores (2)

Pola súa banda, catro demandantes de emprego de FEAFES Lugo formábanse sobre os mesmos temas o 4 de abril da man de Mar Pérez Vega, avogada de UGT Lugo. Nun coloquio sobre dereitos laborais, os participantes lucenses do Programa de Emprego para Persoas con Discapacidade a Causa de Enfermidade Mental aprenderon sobre prestacións, axudas económicas, subsidios ou incapacidades laborais, ademais de falar dos dereitos e deberes do traballador, a reforma laboral e distintos tipos de contratos.

IMG-20170405-WA0003

En Vigo, esta charla tivo lugar o 11 de maio en Radio ECCA. Impartida por Jorge Alonso, un total de 6 participantes do Programa de Emprego para Persoas con Discapacidade a Causa de Enfermidade Mental resolveron diferentes dúbidas acerca dos dereitos básicos das persoas traballadoras: salario, xornada laboral, permisos, despidos, extinción de contratos, etc.

IMG_3954 - copia